Исторический (этнографический) музей «Спадчыны рысы непаўторныя» :: ГУО "Средняя школа №205 г.Минска" "Средняя школа №205 г. Минска имени Г.У.Дольникава"

Исторический (этнографический) музей «Спадчыны рысы непаўторныя»

Упраўленне адукацыі, спорту і турызму адміністрацыі Маскоўскага раёна г. Мінска
Дзяржаўная ўстанова адукацыі “Сярэдняя школа № 205 г.Мінска імя Г.У.Дольнікава”

Гістарычны(этнаграфічны) музей “Спадчыны рысы непаўторныя”

Ад прадзедаў спакон вякоў
Нам засталася спадчына…
Я.Купала

Кіраўнік школьнага музея: Ермашэвіч Антаніна Іванаўна, настаўнік беларускай мовы і літаратуры.

Школьны музей прапануе:
Экскурсіі: Заходзьце, госцейкі, у хату". " Беларускае адзенне" , "Ручнікі - ільняныя крылы"
Гутаркі: "Ткацтва і вышыўка на Беларусі", "Вечна жывое мастацтва", "Беларускі трапкач"

Без мінулага няма ні сучаснага, ні будучага. Мінулае - гэта пачатак. Сучаснае і будучае - працяг. Мінулае - гэта карані. Сучаснае - гэта само дрэва, а будучае - плод. І як дрэва і плод немагчымы без каранеў, так сучаснае і будучае немагчыма без мінулага, без памяці, без спадчыны.

Адкрыццё музея (здымкі)

Адкрыццё музея (навіны БТ)

Масленіца ў музеi

Здымкi ў музеi

Экспазіцыi музея

Каляды

На базе музея ў рамках цыкла, прысвечанага каляндарна-абрадавым святам, рэгулярна праходзяць “вусныя часопісы”, адной са старонак якога з’яўляецца тэтралізаваная пастаноўка элементаў абрада.

подробнее.../свернуть

Лекцыя-экскурсія “Серп – кармілец сям’і сялянскай”

Значнае месца ў музеі адведзена прыладам сялянскага побыту, хатняму посуду, нацыянальнаму адзенню, ручнікам і саматканым рэчам. У сувязі з гэтым мы распрацавалі цыкл лекцый, экскурсій аднаго экспаната.

подробнее.../свернуть

Гiсторыя музея

Памяць у вышываных узорах

подробнее.../свернуть

24 кастрычніка 2015 ў сярэдняй школе № 205 Мінска прайшло ўрачыстае адкрыццё-прэзентацыя краязнаўчага музея “Спадчыны рысы непаўторныя”, у якім прадстаўлены не проста шырока распаўсюджаныя прадметы сялянскага побыту мінулых стагоддзяў, а сімвалы памяці пра тыя вёскі, што былі выселены пасля аварыі на ЧАЭС.
Гэты музей нездарма адкрыўся менавіта ў 205-й мінскай школе. Па-першае, яна размешчана ў сталічным мікрараёне Малінаўка, па-другое, менавіта ў гэты мікрараён пасля 1986 года былі пераселены жыхары найбольш пацярпелых ад аварыі на ЧАЭС беларускіх рэгіёнаў, па-трэцяе, у школе вучацца дзеці перасяленцаў, а па-чацвёртае, многія педагогі таксама з’яўляюцца выхадцамі з забруджаных рэгіёнаў, а каму як ні настаўнікам захоўваць памяць пра родны край. Прыкладна так у некалькіх словах можна расказаць перадгісторыю стварэння школьнага музея. Больш падрабязна пра музей паведаміла яго кіраўнік настаўніца беларускай мовы і літаратуры Антаніна Іванаўна Ермашэвіч.
— Кожны год у нашай школе праходзіць Тыдзень беларускай мовы і літаратуры. У 2006 годзе падчас тыдня разам з настаўніцай геаграфіі Людмілай Аляксандраўнай Жаўняровіч мы вырашылі наладзіць выставу, прысвечаную культуры і промыслам Беларусі, і прапанавалі вучням прынесці ў школу ганчарныя, бандарныя, ткацкія вырабы. Шчыра кажучы, мы не чакалі, што выстава будзе настолькі багатай. Пасля таго, як з ёй азнаёміліся настаўнікі, выстава пачала папаўняцца новымі прадметамі. Калегі прыносілі ў школу збаны, ручнікі, дзежкі, сарочкі, усё тое, што яны прывезлі ў Мінск падчас перасялення. Прадметы, прадстаўленыя на выставе, і сталі экспанатамі спачатку краязнаўчага кутка, а цяпер і краязнаўчага музея, — расказвае Антаніна Іванаўна.
Як адзначалася, галоўная адметнасць музейных прадметаў 205-й школы ў тым, што трапілі яны ў Мінск з Брагінскага, Чачэрскага, Нараўлянскага, Рэчыцкага раёнаў. Самымі першымі экспанатамі сталі саматканыя ручнікі. Антаніна Іванаўна вырашыла, што калі ёсць ручнікі, то павінны быць і тыя прадметы, пры дапамозе якіх яны ствараліся.
— На жаль, цалкам ткацкага станка нам знайсці не ўдалося, аднак некаторыя яго элементы прадстаўлены ў музеі. Гэта чаўнакі, верацёны. Акрамя тканых рэчаў, у нас захоўваюцца бандарныя, ганчарныя, кавальскія вырабы. Напрыклад, гэтую дзежку я прывезла з Чачэрскага раёна, з роднай вёскі Асінаўкі. Вёскі ўжо даўно няма, яна закапана, аднак памяць пра яе захоўвае вось гэтая дзежка. Рабіў дубовую дзежку мой прадзед. Вось гэтыя маслабойкі з Чачэрскага раёна музею падаравала настаўніца гісторыі Вольга Міхайлаўна Сіманенка. Аднак самымі каштоўнымі, як для мяне, з’яўляюцца прадметы, змешчаныя ў чырвоным куце. Вось гэтая ікона Божай Маці наша сямейная рэліквія. З ёй мяне маці аддавала замуж. А маме ікона дасталася ад бабулі. Упрыгожвае абраз вось такі незвычайны ручнік. У далёкім 1964 годзе яго вышывала бабуля настаўніцы рускай мовы і літаратуры Таццяны Васільеўны Аніскавец, калі выходзіла замуж за каханага чалавека. З таго часу ручнік вісеў толькі ў чырвоным куце і ў наш музей перадаваўся з умовай, каб і надалей упрыгожваў ікону. Усяго ў музеі захоўваецца 135 экспанатаў, — дзеліцца Антаніна Іванаўна.
Адкрыццё-прэзентацыя музея праходзіла адначасова з аповедам пра жыццё і творчасць Янкі Купалы і Якуба Коласа, 130-годдзе з дня нараджэння якіх, як вядома, сёлета шырока адзначаецца ў краіне. Вершы, песні суправаджаліся з загадкамі пра экспанаты. Спачатку гучала “Мой родны кут, як ты мне мілы…”, а потым “Стаіць сасна, на сасне лён, на льне жыта або Яна галодная — хата халодная, яна пад’ела — хата пацяплела”. Па словах Антаніны Іванаўны, адкрыццё музея нездарма было вырашана сумясціць з аповедам пра Купалу і Коласа. Прыкладна такія рэчы, што захоўваюцца ў музеі, суправаджалі дзіцячыя і юнацкія гады песняроў. Дзякуючы знаёмству з экспазіцыяй можна адчуць атмасферу, у якой выхоўваліся нашыя славутыя землякі.
Як плануецца, пасля адкрыцця музей стане выхаваўчым цэнтрам школы. Акрамя класных гадзін, экскурсій, тут будуць праводзіцца заняткі па гісторыі, геаграфіі, беларускай мове і літаратуры, падчас якіх настаўнікі будуць абавязкова расказваць вучням пра родны край іх бацькоў і сваю малую радзіму, тыя мясціны, памяць пра якія захоўваюць шматлікія ручнікі, дзежкі, маслабойкі.
Ігар ГРЭЧКА.

Дэлегацыя з Італіі ў школьным музеі

26 лістапада 2016 года школьны музей наведала дэлегацыя з Італіі.

подробнее.../свернуть

Комитет по образованию Мингорисполкома

Управление по образованию администрации Московского района г. Минска

Государственное учреждение образования

«Средняя школа №205 г. Минска имени Г.У.Дольникова»